Saturday 25 May 2013

క్షణికావేశం ఆపుకొని కొద్దిగా ఆలోచించండి!



               ఏప్రిల్ 28 వ తారీకు హైదరాబాద్ జిల్లా ఎడిషన్ చూసిన వారికి ఈ విషయం తెలిసి ఉంటుంది నాంపల్లి రైల్వే స్టేషన్ లో ఒక వ్యక్తి రైల్ కు ఎదురుగా వెళ్లి ఆత్మహత్య చేసుకోవటం ముక్కలుగా మారి చనిపోవటం. ఆ సమా చారం మా బంధువుల ద్వారా నాకు తెలిసింది.అతను మాకు వరుసకు అన్నయ్య అవుతారు.షాక్. చనిపో వటానికి కారణాలు అంతు చిక్కలేదు.అప్పులు లేవు.ఒక్కడే కొడుకు.పెద్ద బిల్డింగ్.ప్రైవేటు కంపెనీలో మంచి ఉద్యోగం తరువా త తెలిసింది ఏవో చిన్న కారణాలని.ఇంతకు ముందు మా మిత్రుడి ఆత్మహత్యను ఆపగలిగాను అతను నాకు ఫోన్ చె య్యటంతో ఆ విషయాన్ని ఇదే బ్లాగు లో వివరించాను.అలాగే ఈయన కనుక ఫోన్ చేసుంటే ఆపగలిగే వాడినేమో ఇలా ఎందరో చిన్నకారణాలకు జీవిత యాత్ర చాలిస్తున్నారు.
       ప్రతి సమస్యకు చావే పరిష్కారం అయితే ఎవరు ఈ ప్రపంచంలో మిగలరు.గంటకు 14 మంది సంవత్సరానికి ఒక లక్షా ఇరవై వేల మంది.ఇది మన దేశం లో ఆత్మ హత్య చేసుకుంటున్న వారి సంఖ్య.ఇందులో 12.1 శాతం తో మన ఆంధ్ర ప్రదేశ్ది రెండవ స్థానం.
       ప్రపంచ వ్యాప్తంగా ఏటా 10 లక్షల మంది ఆత్మ హత్య చేసుకుంటున్నారని ప్రపంచ ఆరోగ్య సంస్థ తేల్చింది.ప్రతి 40 సెకన్లకు ఒకరు చనిపోతున్నారు.ఇది 2020 కి ప్రతి 20 సెకన్లకి ఒకటిగా నమోదవుతుందని అంచనా.అందులో 60 శాతం మంది 45 సంవత్సరాలలోపు వారే!మొత్తం బలవన్మమరనాల్లో చైనా,భారత్ లోనే 30% నమోదవుతు న్నాయి.
       యువత ఇలాంటి నిర్ణయం తీసు కోవడానికి ప్రధాన కారణం ఒత్తిడిని ఎదుర్కో లేక పోవడం,ప్రేమ విఫల మైన వారు,పరీక్షలు,ఎంట్రన్స్ లలో మంచి రాంక్ రాకపోవటం వలన పెద్దల మందలింపులత,ఉద్యోగం సాధించలేక జీవి తంలో స్థిరపడలేక పోవటం,సంసారంలో గొడవలు,ఆర్హిక ఇబ్బందులు,వ్యాపారాల్లో నష్ట పోవటం ఇలా విభిన్న కార ణాలతో జీవితాలను అంతం చేసుకుంటున్నారు.మరీ దారుణ మైన విషయం ఏమిటంటే అప్పుల పాలైన వారు పిల్లలకు విషమిచ్చి తల్లిదండ్రులు ఆత్మ హత్య చేసుకోవటం.
        మరి ఇలాంటి వారు ఆగాలన్నా,ఆలోచించాలన్నా ఏమి చేయాలి?
అంతార్జాతీయంగా ఆత్మీయ నేస్తం.
              ప్రపంచ వ్యాప్తంగా 40 దేశాల్లో సేవలందిస్తున్న "Befriendars"అనే  సంస్థ ఉంది.మన దేశం లో దీనికి 11 శాఖలున్నాయి.నలభై వేల మంది సిబ్బంది ఉన్నారు.దీనికి అనుబంధంగా హైదరాబాద్లో ఏర్పాటయిందే రోష్ని .వీరికి ఫోన్ చేస్తే చాలు. చక్కని సలహాలతో సాయ పడతారు.నెలకు వీరికి 400 కాల్స్ వస్తుంటాయి.
చిరునామా
  రోష్నీ,ఇం.నం  1-8-48/21,కలావతి నివాస్,
సింధీ కాలని, s.p road,secunderabad phone:040-66202000,27848584,email :help@roshnihyd.com
పుస్తక నేస్తాలు.
 ఆలోచన ధోరణిలో మార్పు తెచ్చే పుస్తకాలు.
1)suicide:the forever decision
2)choosing to live
3)how i stayed alive when my brain was trying to kill me
4)change your brain change your life
మన  తెలుగులో  కూడా  మంచి  పుస్తకాలు  ఉన్నాయేమో  సలహాలివ్వండి .
మంచి  websites
www.depressionlife.com
www.suicide.com
www.suicidehelplines.comteenadvice.about.com
www.befrienders.com
www.youthsuicide.ca
  మనకు ఎవరయినా  ఇటువంటి  వ్యక్తులు  కలిస్తే  వాళ్ళ  సమస్యను  పూర్తిగా  విని
ధైర్యం  చెప్పండి .అవసర  మైతే  psychologist ల  దగ్గరికి  తీసుకేల్లండి.ఈ సమాచారాన్ని మీకు తెలిసిన మార్గాల్లో అందరికి తెలియజేయగలరు.
(ఇందులోని సంఖ్యా వివరాలు, helpline,books,websites సమాచారం ఈనాడు పేపర్ నుండి సేకరించాను.వారికి ధన్యవాదాలు.)
(ఇంతకు ముందు ఆత్మ హత్యలపై ఇదే బ్లాగు లో నేను వ్రాసిన వ్యాసం కోసం ఇక్కడ చూడగలరు.
http://ravisekharo.blogspot.in/2012/09/blog-post_10.html)

Wednesday 22 May 2013

"సిరివెన్నెల" పాటల్లో ఆణిముత్యాలు

              1985 వేసవి సెలవుల్లో అనుకుంటా సిరివెన్నెల విడుదల ఆయింది.  సంగీతం పట్ల అంతగా అవగాహన లేకపోయినా అందులోని హరిప్రసాద్ గారి వేణు గానం మరోలోకాల్లోకి తీసుకు వెళ్ళింది అప్పటినుండి వేణువు నేర్చుకోవాలని ఉంది .ఇంత వరకు  తీరలేదు .
1)విధాత తలపున :        సిరివెన్నెల
             ఈ పాట బాగా పాడుకుంటుంటాను.ఇందులోని వాక్యాలు పలకటమే కష్టంగా ఉంటాయి.
2)తెలవారదేమో స్వామి:  శ్రుతిలయలు  
3)అందెల రవమిది :         స్వర్ణ కమలం
             విశ్వనాధ్  వారి కళాత్మకతకు సిరివెన్నెల గారి సాహిత్యం తోడయితే ఈ పాట  

              అర్థం చేసుకోరు అంటూ భానుప్రియ పలికే పలుకులు సరదాగా ఉంటాయి.
4)సురాజ్య మవలేని :              గాయం
              సమాజం పట్ల సిరివెన్నెల గారు సంధించిన పాశుపతాస్త్రం ఈ పాట.దీనికంటే ముందు త్రిశంకు స్వర్గం లో         అంటూ ఒక privatesong వ్రాసారు.అది నేను తరచుగా వేదికల మీద పాడేవాన్ని.దాన్ని మార్పు చేసి సినిమా కోసం ఈ పాటగా వ్రాసారు.
5)చిలుకా ఏ తోడు లేక:           శుభలగ్నం
6)మనసు కాస్త కలత పడితే :  శ్రీకారం
             ఈ పాటలో జీవిత సారాన్ని నింపారు.
7)అర్థ శతాబ్దపు :                   సింధూరం
             కృష్ణవంశీ తీసిన సినిమాల్లో ఇది బెస్ట్ అని చెప్పవచ్చు . చాలా ఫైర్ తో తీసారు.కానీ సినిమా ఆడలేదు బాగా   నష్ట పోయారు.ఈ పాటలో సిరివెన్నెల గారు స్వాతంత్ర్యం గురించి పడే ఆవేదన మనకు తెలుస్తుంది.
8)దేవుడు కరునిస్తాడని :      ప్రేమ కథ
             వర్మ గారు ఈ సినిమాకు కథ పంపించమని పేపర్ లో ఆడ్ ఇస్తే ఓ కథ తయారు చేసుకొని ఆ మనవి ఎక్కడ తీసుకుంటారులే అని మానేశాను.ఈ పాట ఇందులో చాలా బాగుంటుంది.
9)తరలిరాద తనే వసంతం : రుద్రవీణ
10)చెప్పాలని ఉంది :          రుద్రవీణ
12)నమ్మకు నమ్మకు ఈ రేయిని : రుద్రవీణ
            నెల్లూరు లో డిగ్రీ చదివే రోజుల్లో  అర్చన థియేటర్ లో సెకండ్ షో చూసి వచ్చి ఆ ఆవేశం తో ఓ కవిత వ్రాసాను.ఇప్పుడు చదివితే ఆ సినిమా అంతగా ప్రభావితం చేసిందా అనిపిస్తుంది.
13)ఎవరో ఒకరు :     అంకురం
            ఉమ మహేశ్వర  రావు అనే  డైరెక్టర్ అనుకుంటా ! ఈ సినిమాని చాలా బాగా తీసారు.ఎందుకో ఆయన తరువాత నిలదొక్కుకోలేకపోయారు.
14)తెలిమంచు కరిగింది :స్వాతికిరణం
          ఈ సినిమా నిజంగా హృదయాన్ని కదిలించి వేసింది.ఒకే రంగం లో ఉండే వారి మధ్య ఇంత ఈర్ష్య ఉంటుందా  అనిపిస్తుంది.అలాగే ఆ పిల్లవాని నటన ,ముమ్మట్టి నటన అద్భుతం
15)అపురూపమైనదమ్మ ఆడజన్మ:పవిత్ర బంధం
         జేసుదాస్ గొంతు ఈ పాటకు వరం.
ఇలా కొన్ని పాటలు మీకు పరిచయం చేయాలనిపించింది.






































)




Sunday 12 May 2013

ధ్యానం అంటే .... జిడ్డు కృష్ణ మూర్తి


  • ధ్యానించే మనసు ఆధ్యాత్మికత గల మనసు. ఆధ్యాత్మికత చర్చీలుఆలయాలు,భజనలు,తాకలేని మతం.విస్పోటం చెంది ప్రేమ జ్వలిం టమే ఆధ్యాత్మిక మైన మనసు అంటే . 
  • జీవితం లోని అత్యుత్తమమైన కళల్లో ధ్యానం ఒకటి.బహుశా ఇదే అత్యు త్తమమైనదేమో!ఒకరు మరొకరి వద్ద నుంచి దీన్నినేర్చుకోలేరు.అదే దీని లోని సౌందర్యం.మిమ్మల్నిగురించి మీరు తెలుసుకుంటుంటే అదే ధ్యానం 
  • ధ్యానానికి అంతమనేది లేదు.ఒక ఆరంభము లేదు.ఒక వర్షపు చినుకు వంటిది.ధ్యానంలేని హృదయం ఎడారిగా మారిపోతుంది.బంజరు భూమి అయిపోతుంది.
  • మస్తిష్కం తన కార్యకలాపాలన్నింటిని తన అనుభవాలనన్నింటిని కట్టి పెట్టి అచంచలమైన ప్రశాంతితో ఉండగలదా అని కనిపెట్టడమే ధ్యానం.
  • ధ్యానానికి అత్యుత్తమమైన క్రమశిక్షణ ఎంతో అవసరం.అసూయ నుండి అత్యాశ నుండి,అధికారదాహాన్నుండి విముక్తి పొందాలి.
  • ధ్యానం మేధకు సంబంధించిన వ్యవహారం కాదు.హృదయం మనసు లోకి ప్రవహించినప్పుడు మనసు తత్వం భిన్నంగా ఉంటుంది.ప్రేమ కదులుతూ ప్రవహించడమే ధ్యానం.
  • ధ్యానం ఒక గమ్యానికి చేర్చే సాధనం కాదు.ధ్యానమే మార్గం.ధ్యానమే గమ్యం.రెండూ అదే. 
  • తెలిసిన విషయాలనుండి విముక్తి చెందడమే ధ్యానంలోని పరిపక్వత ధ్యానం అంటే జ్ఞాన ప్రపంచంలో సంచరిస్తూనే దాని నుంచి విముక్తి చెంది అజ్ఞేయం లోనికి ప్రవేశించడం.
  • మీకు నిజంగానే ధ్యానం అంటే ఏమిటో కనిపెట్టాలని కనుక ఉంటె అప్పు డు ఆధిపత్యాలను అన్నింటినీ పూర్తిగా సమిష్టిగా ప్రక్కకి తోసి వేయాలి 
  • సంతోషాన్ని,సుఖాన్నికొనవచ్చు.నిశ్చలానందాన్నికొనలేరు.పరిపూర్ణ స్వేచ్చ కలిగిన మనోస్థితికి మాత్రమే  నిశ్చలానందం కలుగుతుంది.  నిశ్చలానందము యొక్క స్వేచ్చలో మనసు ప్రవహించడమే ధ్యానం  విస్పోటంలోకన్నులు నిర్మలమై అమాయకత్వంతో నిండి పోతాయి అప్పుడు ప్రేమ దివ్యానుగ్రహ మవుతుంది. 
  • సావధానతతో స్పృహతో వున్నప్పుడు "నేను" అనే కేంద్రం ఉండదు. సావధానమే మౌనమే ధ్యానంలోఉన్న స్థితి.
  • విడదీసుకోవడాన్ని,వేరుపరచుకోవడాన్నిఅంతం చేయడమే ధ్యానం.  ధ్యానం జీవితాన్నుంచి వేరుగా ఉండే విషయం కాదు.అది జీవితపు అస లు సారం.
  • ధ్యానంలో గొప్ప తన్మయీభావం ప్రవహిస్తూ ఉంటుంది.ఇది కంటికీ మస్తి ష్కానికీ హృదయానికీ నిర్మలమైన అమాయకతత్వాన్ని ప్రసాదించే తన్మయత్వం.
  • ధ్యానం అంటే మనసు,హృదయము పూర్తిగా సమూలంగా మార్పు చెంద డం అనే అర్థం వున్నది.
  • కాలాన్ని ఎరుగని అమాయకత్వంలో ఉండటమే ధ్యానం.
  • ప్రపంచం,దాని తీరుతెన్నుల్నిఆకళింపు చేసుకోవడమే ధ్యానం.
  • అవగాహన వికసించడమే ధ్యానం.అవగాహన ఇప్పుడే జరగాలి మరెప్ప టికీ జరగదు.అది ఒక విద్వంసక ప్రజ్వలనం.ధ్యానం అంటే చేతనను అజ్ఞాతాన్నిబాహ్యమైన దానినంతటినీ అవగాహన చేసుకోవడం.
  • ఏకాంతంగా ఉన్నప్పుడే ధ్యానించాలి.మనసును ఆలోచనలుండి విడిపిం చినపుడు  ఏకాంతం కలుగుతుంది.ప్రశాంతమైన ఏకాంతంలో నిశ్శ బ్దంగా,రహస్యంగా ధ్యానం సంభవిస్తుంది.
  • ఆలోచనలు,మనోభావాలు పూర్తిగా ఎదిగి నశించి పోయినప్పుడు ధ్యానం కాలానికి అతీతమైన వాహినిగా ప్రకాశిస్తుంది. కదలికలో తన్మయత్వం ఉంటుంది.
  • మనసులోని వెలుగే ధ్యానం.నేనును అంతం చేయడమే ధ్యానం.
  • ప్రతి నిముషము మరణించడమే ప్రేమ.ప్రేమ పూవులుగా వికసించడమే ధ్యానం.
  • తెలిసిన దాని నుంచి విముక్తి చెందడమే ధ్యానంలో మనం చేయవల సినది.
  • ఒంటరిగా ఉండటానికి భయపడనప్పుడు, ప్రపంచానికి చెందకుండా అసలు దేనితోను మమకార బంధంలేకుండా ఉన్నప్పుడు ఏకాంతంలో ని తన్మయత్వం మీకు లభిస్తుంది.
  • మనసు సమస్తం పూర్తిగా మౌనంగా అయినప్పుడు జరిగే ధ్యానమే మానవుడు చిరకాలంగా అన్వేషిస్తున్న దివ్యానుగ్రహం.
  • ధ్యాన మంటే అసలు సారాంశానికి తలుపులు తెరవడం,సర్వస్వాన్ని దగ్ధంచేసి బూడిద కూడా మిగల్చని ఒక అగ్నిగుండాన్ని దాని తలు పులు తెరిచి ఆహ్వానించడం.
  • నిజమైన ధ్యానానికి పునాది అనాసక్త మైన ఎరుక.అంటే ఆదిపత్యాల నుండి,ఆకాంక్షలనుండి,అసూయనుండి భయాలనుండి విముక్తిని కలిగించే సంపూర్ణ స్వేచ్చ.
  • ఆలోచనలనుండి విముక్తి పొంది సత్యం అనే తన్మయానందంలో ప్రవ హించడమే ధ్యానం.
  • ధ్యానంలో సమస్త ఆలోచనలు ఆగిపోవాలి.ధ్యానానికి ఇదే పునాది.
  • మనలో నుండి కాలాన్ని తీసివేసి మనసును ఖాళీ చేయడమే సత్యం అనే మౌనం.
          (నేడు ప్రపంచ ప్రఖ్యాత తత్వవేత్త జిడ్డుకృష్ణ మూర్తి జయంతి. ఆయన  వివిధ ఉపన్యాసాలలో ధ్యానం గురించి వ్యక్త పరిచిన విషయాలను తెలుగులో పి సదాశివరావు గారు అనువాదం చేయగా ధ్యానం అనే పుస్తక రూపం లో వెలువడింది.అందులోని కొన్ని అంశాలను ఇక్కడ  వ్రాసాను .వారికి ధన్యవాదాలు.) 

www.jkrishnamurti.org  నందు ఆయన గురించి సమగ్రంగా తెలుసుకొనగరు.