Sunday 20 October 2013

తల్లిదండ్రులూ!పిల్లలకు bikes,cars ఇచ్చేముందు ఓ సారి ఆలోచించండి! .

           ఓ హృదయ విదారక సంఘటనను చూసిన తరువాత ఈ వ్యాసం వ్రాయాల్సి వచ్చింది. స్కూల్స్ colleges తెరిచిన తొలి రోజు మేము స్కూల్ నుండి ఇంటికి వస్తుండగా ఒక విద్యార్థి ఒక అమ్మాయిని బైక్ మీద తీసుకువస్తూ ఒక కల్వర్ట్ దగ్గర accident కు గురై అబ్బాయి చనిపోగా ఆ అమ్మాయికి కాలు విరగటం జరిగింది.నేను బస్సులో అక్కడికి వచ్చే ఓ 5 నిముషాల ముందే అది జరిగింది. ఆ అమ్మాయి ఆ అబ్బాయి అక్క అని తరువాత తెలిసింది  ఆ తల్లితండ్రుల కెంత గర్భశోకం. ఆ అబ్బాయి ఇంటర్ పూర్తిచేసి ఇంజినీరింగు వెళ్ళాల్సి ఉంది అమ్మాయి ఇంజినీరింగ్ చదువుతూ ఉంది.అక్కను కాలేజీ నుండి ఇంటికి తీసుకు వస్తుండగా జరిగింది ఈ సంఘటన.
          ఇటువంటి సంఘటనలు ఈ మధ్య చాలా జరుగుతున్నాయి.పిల్లల కోరిక మేరకు bikes,cars కోరిక మేరకు కొని ఇస్తున్నారు.వాటిని అతి వేగంతో నడపటం,లేదా ఎదురుగా వచ్చేవాహనాల పొరపాటుతో ప్రమాదాలు జరగటం చూస్తున్నాం .బాబు మోహన్ ,అజహరుద్దీన్ కోట శ్రీనివాసరావు ,కోమటిరెడ్డి వెంకట రెడ్డి వీరి కుమారులు  ఈ విధం గా చనిపోయిన వారే!18 సంవత్సరాల వయసు నిండదనిదే వాహనం నడపకూడదు.12 సంవత్సరాల పిల్లలు కూడా నడుపుతున్నారు.వారికి bikes నడపటానికి parents ఎలా అనుమతిస్తున్నారో అర్థం కాదు.అలాగే ట్రాఫిక్ పోలీస్ పట్టించుకోవటం లేదు.అతి వేగంతో నడపటం కాకుండా ఒక్కో  బైక్ మీద ముగ్గురు కూడా ప్రయాణం చేస్తుంటారు town limits లోకూడా అతి వేగంగా వెళ్లి పాదచారులను ప్రమాదాలకు గురిచేస్తున్నారు.ఇక driving licence లేకుండా నడిపే వారెంత మందో!అడిగే వారెవరూ లేరు.
              ఈ విషయం చాలా serious గా ఆలోచించాల్సిన అంశం . లేక పోతే దేశానికి ఎంతో విలువైన యువత అర్థాంతరంగా రాలిపోతున్నారు.ఇది  తల్లిదండ్రులు,ట్రాఫిక్  వ్యవస్థ ,పౌర సమాజం స్పందించాల్సిన అంశం .

No comments:

Post a Comment